У судовага кур'ера Джо Тайлэра нялёгкая праца: ён дастаўляе позвы ў суд. Вядома, далёка ня кожны прагне сустрэцца з прадстаўнікамі закону, таму Джо часам вымушаны адсочваць месца знаходжаньня сваіх "ахвяраў". Ягоны бос Рэй дае Джо чарговае заданьне: даставіць позву з дакумэнтамі на развод нейкай Сары Мур, муж якой, паводле заканадаўства Тэхасу, пасля атрымае ўсю маёмасць. Нягледзячы на перашкоды, Джо ўдаецца сустрэцца з Сараю. Тая даведваецца, што, калі разводны працэс будзе перанесены ў Ню-Ёрк, яна, ужо паводле мясцовых законаў, зможа пакінуць за сабою палову супольнае маёмасьці. Сара прапаноўвае Джо за мільён даляраў перайграць сытуацыю і даставіць ейнаму мужу Гордану іншую позву, гэтым разам ужо ад свайго імя. Сара і Джо стараюцца пазбягаць Гордана і ягоных людзей, а той, у сваю чаргу, Сары і Джо. Усё вырашаюць апошнія гадзіны перад судом...