Фільм зняты паводле мемуараў амерыканскага генерал-лейтэнанта Гэралда Мура. Суаўтарам Мура выступіў журналіст Джозэф Гэлаўэй, які апынуўся ў цэнтры баявых дзеянняў. Удзельнік Карэйскай вайны падпалкоўнік Гэралд Мур узначальвае батальён, які пасылаюць у В’етнам, у даліну ракі Я-Дранг, дзе разгортваецца бітва, што пазней увойдзе ў гісторыю як адна з найбуйнейшых за ўсю вайну. У гэты час дома жонкі жаўнераў пакутліва чакаюць вестак ад сваіх мужоў...