Падзеі гэтай замаскаванай пад вестэрн сацыяльнай драмы разгортваюцца сто гадоў таму ў аўтбэках - унутраных рэгіёнах Аўстраліі. Тут адлюддзе і рэдкія мястэчкі. Тут карэнныя жыхары жывуць у фактычным прыгоне. Абараняючы сябе і жонку, еўрапеізаваны тубылец Сэм Келі забівае белага адстаўніка ды пускаецца ў небяспечнае падарожжа па засушлівай пустэльні, заселенай адно вольнымі абарыгенамі ды скарпіёнамі. У пагоню за ўцекачамі выпраўляецца стракатая каманда з пабожнага селяніна, слухмянага тубыльца і бязлітасных рэйнджараў.