Фільм паводле кнігі ўспамінаў журналісткі Вірхіньі Валлеха паказвае апошні перыяд жыцця аднаго з самых знакамітых і жорсткіх злачынцаў XX стагоддзя, калумбійскага наркабарона Паблё Эскабара, на рахунку якога дзясяткі чалавечых жыццяў. У 1982 годзе Паблё Эскабар знаёміцца з папулярнай журналісткай і тэлевядоўцай Вірхіньяй Валлеха і прапануе ёй папрацаваць ягоным біёграфам. Вірхінья робіцца чарговай каханкай Паблё і піша гісторыю ўзыходжання Эскабара, імклівага шляху да мільярдаў, магутнасці і страшных злачынстваў. Вірхінья не падазрае, што неўзабаве ейнае ўласнае жыццё зменіцца незваротна.