Былы крымінальнік, а цяпер пасудамыйнік Рэй Уінклер падбухторвае сяброў на смелы ды «геніяльны» план: адкрыць побач з банкам піцэрыю, выкапаць тунэль, дабрацца да банкаўскага сейфа і знесці адтуль усе наяўныя грошы. Загваздка ў адным: на арэнду піцэрыі трэба 18 тысяч долараў, а сам Рэй не мае грошай, каб увайсці ў долю з сябрамі. Ён спрабуе ўгаварыць сваю жонку Фрэнчы, каб тая адшкадавала на гэтую афёру ўсе свае ашчаджэнні. Урэшце Фрэнчы згаджаецца: пакуль Рэй з сябрамі капаюць у склепе тунэль, яна адкрывае наверсе пякарню, да якой з першага дня пачынаюць выстройвацца чэргі на ўвесь квартал...