Трыццацігадовы Радзім Вернэр у дзень свайго вяселля шчаслівы, як і ягоная нявеста Тэрэза. Перад вянчаннем у касцёле ў яго сына ад першага шлюбу - Домініка, ламаюцца акуляры, і той заводзіць малога ў найбліжэйшы салон оптыкі, каб іх адрамантаваць. Там яны сустракаюць прадаўца Яна Бэнда, які неўзабаве апынаецца між вясельных гасцей, хаця ніхто яго не запрашаў. Ён сцвярджае, што добра ведае Радзіма з даўніх часоў: яны разам вучыліся ў школе. Дзіўныя паводзіны Яна ўрэшце змушаюць нявесту папрасіць яго пакінуць святкаванне. Аднак той настойвае на тым, што, перш як сысці, хоча паведаміць нешта вельмі важнае пра яе мужа...