Лета 1971 года. Прыгажуня Ганна Ніджыці перамагае на конкурсе «Міс Маці», які праходзіць на самым вядомым курорце ў Ліворна. Ганна і не падазрае, што выклікала нездаровую цікавасьць ва ўсёй мужчынскай публікі, падазрэньні ў мужа Марыё і ўтоенае пачуцьцё няёмкасьці ў сына Бруна. Нашы дні: усё яшчэ прыгожая, нягледзячы на сьмяротную хваробу, Ганна літаральна гіпнатызуе лекараў сваёй нястрыманай і заразьлівай энэргіяй, а тым часам Бруна спаліў усе масты, якія злучалі яго з родным мястэчкам, сям'ёй і мінулым. Выкладчык у вучэльні, ён не паваже сваю працу і чапляецца за права весьці нецікавае жыцьцё. Сястра Бруна, Валерыя, пераконвае яго прыехаць разьвітацца з маці. Ганна, прыгожая і энэргічная, нібы кінула выклік усім медыцынскім дыягназам… Бруна з неахвотай вяртаецца ў Ліворна. Іх сустрэча, пасля доўгіх гадоў варожых адносін, дазваляе Бруна разлічыцца зь мінулым, якое ён спрабаваў выкрэсьліць з памяці.