Як далёка чалавек можа зайсці ў змаганні за сваю сям’ю? Гісторыя ў аснове гэтай драмы рэальная. Бэці Эн Уотэрз ахвяравала вялікую частку свайго жыцця, каб давесці, што яе брата Кенэта памылкова асудзілі на пажыццёвае зняволенне. Падтрымліваючы адно аднаго, яны раслі ў мястэчку Эр у не самым спрыяльным асяродку. Кені можна было назваць хуліганам, але ён меў добрае сэрца. Калі ў горадзе здарылася дзікае забойства, мясцовая паліцыянтка была перакананая, што вінны менавіта Кені, і зрабіла ўсё, каб пасадзіць яго за краты. Дачка Кенэта таксама ўпэўненая, што яе бацька жорсткі забойца.