Падлетак Доні Дарка нечакана робіцца ўдзельнікам драматычных падзеяў. Аднойчы ўначы ён сустракае таямнічага чалавека - труса. На загад незнаёмца маладзён на некаторы час пакідае дом, што ў выніку ўратавала яму жыццё. Як высветлілася, прыхадзень з будучыні з’явіўся, каб перадухіліць знішчэнне чалавецтва. Доні атрымоўвае надзвычайныя здольнасці, што даюць магчымасць рабіць рэчы, на першы погляд, небяспечныя для ягоных блізкіх і атачэння. Сваякі хлопца лічаць гэта праявамі псіхічнай хваробы. Аднак развіццё падзеяў адкрывае, што прыбыццё таямнічага незнаёмца не было беспадстаўнае. А Доні Дарка чакае выкананне незвычайнай місіі.