Вашынгтон – горад не толькі палітыкаў ды сакрэтных службаў, але і самых звычайных амерыканцаў. Былога агента вонкавай выведкі Осбарна Кокса звальняюць з працы за алкагалізм, пасля чаго ягоная жонка Кейці збіраецца падаваць на разжэнства. Адвакат раіць ёй таемна праверыць фінансавае становішча мужа, і Кейці капіюе з мужавага камп’ютара шэраг дакументаў, разам з пачаткам ягоных мемуараў. Сакратарка адваката губляе копію кружэлкі з запісам у апранальні фітнес-цэнтру, дзе працуе 40-гадовая самотная жанчына Лінда Ліцке. Ёй трэба грошы на касметычную аперацыю, і калі кружэлка з дакументамі трапляе да яе, яна спрабуе вярнуць яе Коксу за ўзнагароду, якая пакрыла б кошт аперацыі...