Гішпанія, пачатак 1970-х гадоў. Сальвадор Пуч Анцік - звычайны студэнт з Барселоны, разумны і вясёлы хлопец, які любіць прыгожых дзяўчат, вячоркі ў барах з куфлем піва, добрую музыку і цікавыя кнігі.Але яму было наканавана жыць у аўтарытарнай дзяржаве, і ён не гатовы зачыняць вочы і стаяць на каленях. Сальвадор і ягоныя сябры бяруць у рукі зброю і ператвараюцца ў хвацкіх рабаўнікоў банкаў, а ўсе захопленыя грошы ідуць на падпольную барацьбу са злачынным рэжымам Франкі.Фільм быў прадстаўлены ў праграме "Асаблівы погляд" Канскага кінафестываля 2006 года. Атрымаў 11 намінацый на прэмію "Гоя" (галоўная кінапрэмія Гішпаніі), перамогшы ў катэгорыі "Найлепшы адаптаваны сцэнар".