Галоўная гераіня фільму - вядомая англійская пісьменніца і філосаф Айрыс Мэрдак. Падзеі разгортваюцца ў той час, калі яна ў драматычных акалічнасцях піша сваю апошнюю кнігу. Смяротная хвароба Альцгаймэра руйнуе жыццё пісьменніцы. З кожным днём яна страчвае ўсведамленне таго, што адбываецца вакол. Побач з Айрыс увесь час застаецца ейны муж, прафесар літаратуры Джон Бэйлі. Гераіня фільму прыгадвае сваё бурлівае жыццё, поўнае славы, палюбоўнікаў і прыхільнікаў. Стужка раскрывае гісторыю кахання, здольнага вытрымаць самы цёмны час.