Фільм пра гады маладосці славутай дзіцячай пісьменніцы Астрыд Ліндгрэн. Астрыд жыве з бацькамі, сёстрамі і братам на хутары Нэс у Швецыі. Як і ўсе, яна наведвае царкву, памагае на ферме, ходзіць на танцы, захапляецца красою навакольнай прыроды. Пасля публікацыі эсэ ёй прапануюць стаж у мясцовай газеце. Там пачынаецца яе раман са старэйшым рэдактарам. Дзяўчына не можа прыняць строгіх нормаў маралі тагачаснага грамадства. Наперадзе ў Астрыд сустрэчы і расстанні, расчараванні і каханне.