Падкамісара Бюро ўнутранай бяспекі Ёанну Маеўску скіроўваюць у аддзел забойстваў Галоўнай управы паліцыі, дзе яна мае прыгледзецца да працы інспектара Марэка Кашоўскага. У кожнай серыі апісваецца адна з загадкавых справаў, якія група Кашоўскага расследавала ў недалёкім мінулым. Зносіны двух галоўных персанажаў развіваюцца на працягу серыялу: спачатку іх характарызуе ўзаемная непрыязь, што вынікае як з ролі, якую мае выконваць камісар Маеўска, так і з розніцы характараў. Аднак з часам яны пачынаюць набірацца адно да аднoгa пашаны, якая ўрэшце пераходзіць ва ўзаемны давер і нават шчырую, хоць і па-ранейшаму хаваную сімпатыю.