Ваенны фатограф Ізабэль Рыд зрабіла выдатную кар’еру, ейныя здымкі знаныя ўва ўсім свеце. Аднак праз ейную сталую адсутнасць церпіць сям’я, двума сынамі займаецца ее муж Джын, які змушаны дзеля гэтага адмовіцца ад акцёрскай кар’еры. Урэшце Ізабэль пастанаўляе спыніць прафесійную дзейнасць, але гіне ў аўтамабільнай аварыі недалёка ад свайго дому. Праз тры гады пасля трагедыі старэйшы сын Джоўна прыязджае ў бацькоўскі дом, каб разабраць архівы маці. Ён бавіць шмат часу ў гутарках з малодшым братам Конрадам і бацькам. У кожнага з іх свае ўспаміны, свой боль і свой позірк на ўлюбёную маці ды жонку. Гісторыі мінуўшчыны пераплятаюцца з падзеямі сучаснасці, падчас якіх галоўныя героі імкнуцца даведацца праўду і разабрацца са сваймі пачуццямі ды стасункамі.