У старым кляштары Подлажыцэ, дзе ў ХІІІ стагоддзі была створаная найвялікшая рукапісная кніга ў свеце, «Д’яблава біблія», вядуцца археалагічныя раскопкі. Адна з студэнтак, Эва Турска, трапляе ў рукі таямнічага злачынцы, які хоча прынесці яе ў ахвяру Сатане, аднак ёй цудам удаецца ўцячы. Дзяўчына страчвае памяць і не можа патлумачыць, што адбылося. Доктар выклікае паліцыю, і справаю пачынае займацца камісар Сумара. З дапамогаю навукоўца-рэлігіязнаўца Руны і асістэнткі Ленкі Шмідавай удаецца высветліць, што Эва мела стаць чарговай ахвяраю ў крывавым шэрагу рытуальных забойстваў, пачатак якога губляецца ў цемры стагоддзяў...