Польскае прымор’е падчас ваеннага стану. Сын афіцэра марскога флоту Янэк разам са сваім братам Сташэкам і двума хлопцамі арганізоўваюць панк-гурт. Яны аддаюць усе сілы рэпетыцыям, каб трапіць на рок-фестываль у Кашаліне. Між Янэкам і Басяю, дзяўчынаю з ягонае школы, успыхвае каханне. Аднак няпроста сыну афіцэра сустракацца з дачкою дысідэнта. Ваенны стан выяўляе абсурднасць сітуацыі, пры якой грамадзяне той самай краіны вымушаныя варожа ставіцца адзін да аднаго. Асабліва востра гэта адчувае моладзь. Кульмінацыяй сюжэту становіцца канцэрт панк-гурта Янэка на школьным балі.