У карціне – дзве паралельныя лініі: падзеі ў жыцці Крыстыны Янды, што адбываліся падчас стварэння «Аеру», і сам сюжэт кінастужкі. Перажываючы трагічны перыяд, вядомая актрыса вымушаная граць у спектаклях і здымацца ў фільме, героі якога – немаладая пара – кожны па-свойму стараюцца супрацьстаяць агульнаму гору. Муж, доктар, уцякае ад цяжкіх думак, цалкам аддаючыся прафесіі, а жонка, занятая домам і мужавымі справамі, пачуваецца вельмі самотнаю. Аднак зусім нечакана ў размераным жыцці Марты з’яўляецца новая асоба...