Мар’я збіраецца правесці Дзень усіх святых з сям’ёю. Разам з сынам Янам, нявесткаю і ўнукамі яны прыходзяць на вайсковыя могілкі ў Варшаве, каб наведаць магілу нядаўна памерлага Мар’інага мужа – уплывовага дзеяча кампартыі. Неўзабаве Ян едзе на вакзал – сустракаць сястру, нявестка з унукамі таксама на момант пакідаюць Мар’ю. Калі яны вяртаюцца, то аказваецца, што маці знікла. Тым часам Мар’я ўжо ў цягніку – яна едзе ў іншы горад, дзе на мясцовым цвінтары шукае магілы нейкага Стэфана.