Дваццацігадовы Францішэк становіцца сведкам выкрадання каштоўнага абраза з алтара аднаго з варшаўскіх касцёлаў. Усё, што адбываецца, ён запісвае на аматарскую відэакамеру. Злодзеем аказваецца Бэнэдыкт Вэбэр, уплывовая асоба – палітык, знаўца мастацтва і ўладальнік мастацкай галерэі. Францішэк не выдае Вэбэра паліцыі, але ўзамен за маўчанне хоча, каб той вярнуў украдзены абраз. На жаль, твор мастацтва ўжо знайшоў новага гаспадара, і неўзабаве яго маюць вывезці за мяжу...