Фільм распавядае гісторыю «польскага Джыма Морысана», вакаліста гурта «Dżem» Рышарда Рыдэля. Яго называлі апошнім хіпі. Харызматычны музыка шукаў згоды са светам, але не знайшоў яе. Змагаўся з нарказалежнасцю і прайграў. «Калі ты яго не ведаў, то не шкадуй, бо ты страціў бы сябра, як я», – спяваў Рысек Рыдэль. Дзесяткі ягоных песень да сённяшняга часу спяваюць пад гітару ў Польшчы, дзе хлопец з Сілезіі амаль праз 20 гадоў пасля смерці застаецца кумірам.