Кітай, пачатак 1990-х. Урад строга сочыць за выкананнем правіла «адна сям'я – адно дзіцё». Сям'я рабочых металургічнага завода ўтойвае цяжарнасць жонкі, але вельмі хутка пра гэта даведваюцца ў прафкаме і жанчыну вымушаюць зрабіць аборт на трэцім месяцы. Аперацыя праходзіць складана, і гераіня ў выніку больш не можа мець дзяцей. Праз нейкі час, забаўляючыся на рацэ, тоне адзіны сын пары. Каб забыцца на мінулае і рухацца далей, сям'я пераязджае да мора ў правінцыю Фуцзянь, у гарадок з чужым дыялектам і ладам жыцця, і ўсынаўляюць хлопчыка.