13-серыйны аповед пра жыццё зоркі міжваеннага польскага кінематографу ды кабарэ, актора, рэжысёра, бізнесоўца, героя плётак і скандалаў, па кім уздыхалі жанчыны, на каго раўняліся мужчыны. Эўґеньюш Бода сыграў у больш як трыццаці фільмах, ён быў зоркаю даваенных тэатраў - рэвю "Morskie Oko" ды "Qui Pro Quo", стваральнікам шлягераў, якія памятаюць да сёння, а таксама сцэнарыстам і рэжысёрам. Ягоная біяграфія ўвабрала ў сябе ўсё, што ўтварала незвычайную атмасферу даваеннае Варшавы.