У Лондане 1930-х гг. знакаміты прыватны дэтэктыў з Бельгіі Эркюль Пуаро (што вызначаецца надзвычайнаю «сціпласцю», любоўю да кулінарыі ды французскім акцэнтам) расследуе заблытаныя злачынствы, якім могуць даць рады толькі ягоныя «маленькія шэрыя клеткі». У гэтым яму дапамагаюць сапраўдны англійскі джэнтльмен капітан Гэйстынгс, скептычны і з’едлівы інспектар Скотлэнд-Ярду Джэп і верная сакратарка спадарычна Лэман... Серыял зняты паводле класічных ужо твораў славутай англійскай пісьменніцы Агаты Крысці і лічыцца найлепшаю ў гісторыі экранізацыяй прыгодаў Пуаро.