Бард і авантурыст Эдгін Дарвіс разам з баявой сяброўкай Хольгай збягае з турмы і адпраўляецца пабачыць дачку, якую апошнія гады апекаваў яго былы таварыш Фордж. Па прыбыцці выяўляецца, што той не толькі казачна ўзбагаціўся і зрабіўся ўладаром, але і настроіў дачку супраць бацькі. Адбіўшыся ад катаў, парачка плануе помсту, а для гэтага ім давядзецца аб'яднацца з рассеяным магам Сайманам, спрытнай друідкай Дорык і адшукаць чароўны шлем, які лічыўся страчаным.