Пачатак 1950-х. Хуберт вучыцца ў правінцыйнай пачатковай школе. Ягоны бацька пасля вайны застаўся на Захадзе, маткаю і сынам цікавіцца УБ (польскі КДБ). Маці высылае Хубэрта ў Варшаву – да «цёткі» Ідаліі, якая аддае яго ў найлепшую школу і ўцягвае ў сваё сяброўскае кола, што культывуе перадваенныя традыцыі ды захапляецца коннаю яздою. Хубертава шчырасць у школе стварае яму і цётцы шмат клопатаў – аж да пагрозы выключэння. Прадпрымальная цётка мае падвойныя дакументы, паводле якіх яна – гэта дзве асобы, дзве сястры; адная з якіх – сябра камуністычнае партыі, што і дапамагае ўратаваць Хуберта. Аднак надыходзіць момант, калі цётка сама трапляе ў цяжкае становішча і мусіць выехаць з Варшавы...