Чаго не хапае саракагадоваму рэспектабельнаму французу, доктару Эмануэлю Франсуа Ксаўе Берн'е? Грошы – ёсць, дом – ёсць, становішча ў грамадстве – ёсць, культурны і разнастайны вольны час – ёсць, каханне – ёсць, ды і ўсе сваякі і сябры даўно прывыклі, што ён... гей, які шмат гадоў жыве ў пары з іншым мужчынам. Аднак, аказалася, не хапае аб'екта для цёплага бацькоўскага клопату – свайго дзіцяці. І прага рэалізацыі нерастрачаных бацькоўскіх сіл можа прымусіць пайсці яго на многае – нават кінуць каханага і ўвязацца ў сумнеўную авантуру з незаконнай імігранткай – бо законнага спосабу стаць бацькам у яго няма.